Мае вайбкод-праекты
Tadewusz — бот для стрыму на Twitch
Плагін для OBS, праграмы стрымінгу. Гледачы на Twitch аддаюць балы канала і так уплываюць на стрым: галасуюць за наступную гульню, замаўляюць песні і відэа, пішуць на экран. Бот правярае кожную замову і сам адказвае ў чаце
- 01 Галасаванне за гульню
- глядач аддае балы за гульню
- бот знаходзіць гульню ў Steam
- гульня падымаецца ў спісе на экране
- бот адказвае ў чаце
- 02 Паведамленне на экран
- глядач піша паведамленне
- яно выязджае пад камерай стрымера
- калі паказ сарваўся, бот вяртае балы
- 03 Песня па замове
- глядач піша назву песні
- бот шукае яе ў Spotify
- бот правярае даўжыню і паўторы
- песня стае ў чаргу з нікам гледача
- 04 Відэа з YouTube
- глядач дасылае спасылку на кліп
- бот правярае, ці можна паказаць яго на стрыме
- калі падыходзіць чарга, кліп грае над палоскай музыкі
Сайт mashninski.com
Гэты сайт. Я раблю яго з нуля разам з ШІ. Тут навіны пра ШІ па-беларуску, беларускамоўныя стрымеры на Twitch, аповеды, карта беларусаў па свеце і дзеннік. Частку старонак абнаўляюць боты, астатняе — я і наведвальнікі
- 01 ШІ-навіны
- бот кожныя 2 гадзіны чытае 9 сайтаў пра ШІ
- Claude выбірае важныя навіны
- Claude піша кароткія карткі па-беларуску
- бот сам публікуе карткі на сайце
- 02 Беларускі стрымінг
- Twitch паведамляе, што стрымер пачаў эфір
- бот абнаўляе карткі стрымераў
- а кожныя 10 хвілін правярае ўсіх 28
- пасля эфіру — статыстыка і запіс
- 03 Аповеды
- аўтар піша новы раздзел
- раздзел з’яўляецца ў чытанцы
- 04 Карта гарадоў
- наведвальнік дадае горад
- заяўка дасылае паведамленне аўтару ў Тэлеграм
- пасля ўзгаднення горад дадаецца на мапу
- на мапе паказаныя адпаведныя тэмпература і час
- 05 Дзеннік вайбкоду
- аўтар піша пост у адмінцы
- адмінка захоўвае пост у GitHub
- сайт абнаўляецца сам
- пост з’яўляецца ў дзенніку
БелМемМаш — перакладчык мемаў
Праграма для Windows. Яна бярэ мемы з Telegram-канала і перакладае жарт на беларускую. Потым сцірае з выявы арыгінальны надпіс і захоўвае чысты мем і пераклад у папку
- 01 Узяць мем
- праграма чытае Telegram-канал
- бярэ найнавейшы пост з мемам
- спампоўвае выяву
- 02 Перакласці жарт
- мадэль OpenAI глядзіць на мем
- не чапае лагатыпы і кнопкі інтэрфейсу
- знаходзіць тэкст, у якім жарт
- перакладае яго на беларускую
- 03 Праверыць
- другая мадэль правярае пераклад
- праграма запамінае адказы мадэляў
- другі раз той жа мем каштуе нуль
- 04 Сцерці надпіс
- Windows знаходзіць дакладныя межы слоў
- на роўным фоне праграма зафарбоўвае тэкст
- складаны фон дамалёўвае нейрасетка LaMa
- 05 Захаваць
- праграма кладзе мем у папку
- дапісвае пераклад у translations.txt
- і толькі потым выдаляе пост з канала
Дзеннік майго вайбкоду
Codex толькі як агентная мадель
Некалькі тыдняў біўся над тым, каб кодэкс накодзіў мне нармалёвыя плагіны для OBS і аплікацыю для ачысткі відарысаў пад мемную суполку, атрымлівалася спрэчна. У выніку наслаў на яго код Claude з мэтай рэв'ю і правак. За адзін вялікі промпт клод перапісаў код нанова і ўсё запрацавала без памылак
Пакіну кодэкс як агентную мадэль для працы з анімацыямі і ўсялякім прыкладным. А кодзіць буду толькі ў клодзе, буду эканоміць нервы
23 кастрычніка
Рэліз сайту
Афыцыйна запрасіў першых гледачоў на сайт. Ужо працуе стрымерскі дашборд, амаль запусціліся навіны пра ШІ. Трэба скончыць шмат мелкіх задач і закрыць тэхнічны доўг, пасля гэтага планую на базе працы навіны-бота пачаць ствараць сучасны беларускі слоўнік тэхнічных і слэнгавых тэрмінаў лічбавай прасторы. Нават запрашу туды людзей на дапамогу
3 кастрычніка
Колькасць агентаў павялічана
Узяў малодшую падпіску ChatGPT / Codex пад паралельны праэкт. На маленькіх падпісках невялікія ліміты, таму працую з кожным асяроддзем +- па чарзе. Codex на амаль тых жа інструкцыях значна больш размаўляе і піша значна больш доўгія пасты — праз некалькі дзён зраблю першыя высновы, наколькі гэта ўплывае на хуткасць атрымання рэзультату і яго якасць
Claude Code піша сайт, адмінку і функцыі па збору інфы з Twitch, Codex робіць аўтаматызацыю апрацоўкі відарысаў для маёй мемнай суполкі. Адзін я нічога не раблю, пайду гарбату піць
18 верасня
Адмінка!
Дадаў на сайт адмінскую панэль. Цяпер пасты, карткі стрымераў і іншы кантэнт можна дадаваць праз зручны інтэрфейс, а не праз код. Дарэчы, думаў, будзе складаней, але не — зроблена за 1.5 пяцігадзінных сесіі з адцягваннем на іншыя задачы. Далей аптымізація адмінкі, яе хуткасці і прыкручванне зручнага выдалення пастоў
17 верасня
MVP?
Першая працаздольная версія сайту гатова, ужо не сорамна і спасылку камусьці скідваць. Старонка з рэалтайм-інфой пра беларускіх стрымераў працуе, усё падцягваецца карэктна. Выцягваем актуальны статус бягучага стрыму, паказываем інфармацыю па мінуламу, у перспектыве вядзем на сацыяльныя сеткі аўтара (пакуль прымацавана толькі да маёй карткі). Яшчэ дараблю касметыку, але візуал мне вельмі падабаецца
17 верасня
Hello, world!
Сайт вісіць у інтэрнэце ўжо з тыдзень, але толькі зараз я прыбраў адсюль тэкст-затычку і раблю першы допіс. Вітаю, паньства, мяне завуць Кірыла Машнінскі і я вайбкоджу гэты сайт разам з Claude Code / Cowork. Гэта мой спосаб пазнаёміцца з тэхналогіяй, таму сюды будуць прыкручаны розныя — і карысныя, і не вельмі — функцыі і сервісы. Прыемнага мне падарожжа, а вам — наведвання!
16 верасня